Blŭ gĭt gai klei bi kƀĭn, K’iăng khua knŭk kna Trần Lưu Quang mñă Dak Nông bi hrŏng ruah hdră êlan duh bi liê, lehanăn iêo jak klei duh mkra. Êlâo hĭn mghaih msir kơ dua mta bruă, čuăl mkă mnơ̆ng hlăm gŭ lăn, lehanăn čuăl mkă klei djă yua lăn.

Bruă čuăl mkă ară anei ka dưi mghaih msir jih ôh klei gun kpăk, ƀiădah mâo leh hdră êlan kơ klei mă bruă pioh mđĭ kyar hlăm wưng tinăp. K’iăng khua knŭk kna Trần Lưu Quang mta kơ čar Dak Nông hŏng 8 boh hră “tui ngă, hŏng klei mbruă, bi sa hnơ̆ng, hlăm klei thâo săng”, pioh mđĭ kyar. Ti anôk bi kƀĭn čar Dakông jao leh hră tŭ yap kơ 4 mta bruă ngă hŏng ênoh duh bi liê jing 1.700 êklai prăk. Čar ăt bi mklă hră čih pioh hŏng 4 phung duh bi liê hŏng ênoh prăk kăk čih hlăm hră mơar jing 8,4 êklai đô la, hlăm dŭm bruă mnơ̆ng hlăm gŭ lăn, pui kmlă mrâo, bruă lŏ hma ênuk mrâo lehanăn dŭm mta bruă mkăn./.