VOV4.Êđê- Aguah mbruê 24/2, hlăm klei kbĭn trông êpul khua bruă Đảng ƀuôn prŏng Hà Nội, bi trông kơ hdră mkăp mklin 10 thŭn tui ngă hdră mtrŭn mrô 11 mơ̆ng phŭn bruă kđi čar kơ hdră tă, bruă klam mđĭ kyar ƀuôn prŏng phŭn hlăm wưng thŭn 2011 – 2021 leh anăn hưn mdah klei ksiêm dlăng, čih yap bruă čuăl mkă mkŏ mjing ƀuôn prŏng phŭn Hà Nội truh thŭn 2030, hdră tă truh thŭn 2050, nao mbĭt hŏng hdră êlan mđĭ kyar ƀuôn prŏng Hà Nội, lu klei blŭ mñă kơ hdră čuăl mkă čiăng uêñ mtrŭt mđĭ bruă duh mkra mơ̆ng bruă hiu čhưn ênguê, phung bi ala lač hdră čuăl mkă kơ dŭm ƀuôn ngă bruă mơ̆ng đưm, čuăl mkă dŭm anôk hiu čhưn ênguê čiăng bi êdah klă klei bi mguôp čiăng iêo mthưr phung tuê hiu čhưn ênguê, kñăm kơ klei siam wăl êa krông Hồng, mkŏ mjing mta kñăm hlăm bruă čuăl mkă, đĭ kyar ƀuôn prŏng.

Pô mblang: Y-Ƀel Êban