Đà lạt, čar Lâm Đồng mkŏ mjing lu bruă bi hdơr 130 thŭn hrue mkŏ mjing ƀuôn prŏng lehanăn mđĭ kyar
Thứ tư, 07:54, 15/11/2023
VOV TAYNGUYEN
VOV TAYNGUYEN
VOV4.Êđê- Ƀuôn prŏng Đà Lạt (Lâm Đồng) hlăk dôk bi msiam ƀuôn prŏng, mprăp kơ bruă ti mlan 12, kñăm bi hdơr 130 thŭn hrue mkŏ mjing lehanăn mđĭ kyar.
Mbĭt hŏng bruă ktrâo atăt jih jang bruă đru kơ mnuih ƀuôn sang lehanăn phung tue hiu čhưn ênguê truh hlăm knhal jih thŭn, ƀuôn prŏng Đà Lạt mprăp êmiêt lu bruă ngă čiăng kkuh mơak 130 thŭn hrue mkŏ mjing lehanăn mđĭ kyar, msĕ si knăm: Kdŏ mmuñ hŏng tač êngao thŭn 2023; mlam bi mguôp dhar kreh Việt Nam – Dhŭng Korea, rang mdah boh tŭ dưn klei duh mkra ƀuôn prŏng Đà Lạt; knăm bi hdơr anei mâo drông mă anăn knăl ƀuôn prŏng thâo mĭn kơ bruă kưt muiñ mâo UNESCO tŭ yap.
Đặng Quang Tú, Khua knơ̆ng bruă sang čư̆ êa ƀuôn prŏng Đà Lạt brei thâo, jih jang bruă srăng mâo ngă hlăm mlan 12, yan jăk êdi hlăm klei hiu čhưn ênguê Đà Lạt – Lâm Đồng. Mŏng anăn čang hmăng mâo lu tuê hriê čhưn, đru mđĭ kyar bruă duh mkra alŭ wăl./.
Viết bình luận