VOV4.Êđê - Hlăm dŭm hruê knăm bi hdơr hruê djiê Mtao Hùng, mâo lu phung tuê hriê leh ti ƀuôn prŏng Đà Lạt, čar Lâm Đồng. ti sang kkuh Âu Lạc, jing sa hlăm 3 wăl hiu čhưn ênguê ala čar ti wăl hiu čhưn ênguê drai Preen mkŏ mjing leh knăm bi hdơr hruê djiê kơ Mtao Hùng, iêo mthưr lu phung tuê leh anăn mnuih ƀuôn sang hlăm alŭ wăl nao hgŭm. Hŏng akŏ “phŭn agha kdrưh kơăm”, knăm bi hdơr hruê djiê kơ mtao Hùng dưi mkŏ mjing kdưr kơang, hŏng 3 bruă ngă yuôm bhăn jing: Klei mă mnơ̆ng myơr Quốc Tổ, klei ngă yang knhuah gru leh anăn myơr brui mngưi hlăm dŭm sang kkuh Thượng, Trung, Hạ.

Êngao kơ dŭm klei bhiăn, knăm bi hdơr hruê djiê mtao Hùng thŭn anei, čar Lâm Đồng lŏ mkŏ mjing klei rang mdah dhar kreh, dŭm klei hlăp lêñ knhuah gru mâo knhuah yang ƀuôn msĕ si: đĭ kyâo mmiă êa prăi, kdŏ giê đrao, čăm tŏ, anôk čih mnia krĭng ƀuôn sang… kñăm lŏ bi êdah dŭm knhuah dhar kreh dŭm gưl mơ̆ng mnuih ƀuôn sang Việt Nam.

Y-Ƀel pô mblang