Adiê hjan sui ngă klưh hroh sa êlan taluy nah dlông hlăm brô 15 m hlăm wăl mnuih ƀuôn sang ti ƀuôn hgŭm 3, ƀuôn prŏng Đà Lạt, čar Lâm Đồng. Bruă sang čư̆ êa alŭ wăl mbĕ leh mjêč dŭm gŏ êsei mnuih ƀuôn sang kbiă mơ̆ng krĭng huĭ hyưt. Bruă mbĕ đuĕ mâo Knơ̆ng bruă sang čư̆ êa ƀuôn hgŭm 3, ƀuôn prŏng Đà Lạt hlăm hlăm aguah 5/9 mtam, hŏng 5 gŏ êsei, 13 čô mnuih, ti alŭ 23 êlan An Bình.  Êlâo anăn, hlăm mlan 4/9, mnuih ƀuôn sang hlăm krĭng hmư̆ ênai ktang leh anăn ƀuh taluy nah dlông hlăm brô 15 m ti alŭ anei klưh hroh, ngă sa hnơ̆ng lăn lu hroh phă gŭ, ngă klưh mtih sang Nguyễn Văn Phước (mrô 136 êlan Hà Huy Tập).

Hlăk mâo klei truh, hlăm sang mâo 6 čô, amâo mâo ôh hlei pô êka. Ti anăp klei yan adiê dleh ktuê dlăng kyua hmăi mơ̆ng angĭn êbŭ mrô 3, bruă sang čư̆ êa alŭ wăl tinei mbĕ đuĕ leh 5 gŏ êsei, 13 čô mnuih hlăm krĭng klưh hroh lăn nao ti anôk êđăp ênang. Mbĭt anăn, kwang dar wăl huĭ hyưt, rơ̆ng êđăp ênang kơ ngăn drăp leh anăn klei hdĭp mnuih ƀuôn sang.