Đà Nẵng: Bi tuôm hŏng êbeh 2.000 čô knuă druh lĭng kahan leh mdei bruă
Thứ năm, 00:00, 21/12/2023
VOV TAYNGUYEN
VOV TAYNGUYEN
VOV4.Êđê- Bi hdơr 70 thŭn Hruê mkŏ mjing Lĭng kahan yang ƀuôn Việt Nam, 34 thŭn Hruê jih jang mnuih ƀuôn sang răng mgang klei êđăp ênang, aguah mbruê, 20/12, ti ƀuôn prŏng Đà Nẵng, bruă Đảng ƀuôn prŏng, Êpul gơ̆ng bruă ƀuôn sang, Anôk bruă sang čư̆ êa, Anôk bruă mặt trận ƀuôn prŏng mkŏ mjing leh Knăm bi tuôm hŏng êbeh 2 êbâo čô knuă druh lĭng kahan grat Đại tá, Thượng tá lehanăn phung khua Trung đoàn l.
Ti knăm anei, Khua anôk bruă sang čư̆ êa ƀuôn prŏng Đà Nẵng lač jăk klei đru mguôp mŏng dŭm gưl phung kahan hđăp hlăm hdră bi ktưn “Phung kahan hđăp ba akŏ”, “Phung kahan hđăp bi đru bi hrŏ klei ƀun knap ngă bruă duh mkra” hŏng lu hdră ngă jăk, mrâo.
Bi ala phung khua ƀuôn prŏng, Khua anôk bruă sang čư̆ êa ƀuôn prŏng Đà Nẵng čang hmăng hlăm wưng ti anăp, dŭm gư; Êpul kahan hđăp lŏ dŏng duh myơr, nao hgŭm hlăm hdră bi ktưn, phung khua kahan, lĭng kahan leh mdei bruă srăng mâo lu klei đru mguôp hĭn kơ hdră mđĭ kyar kluôm mŏng ƀuôn prŏng./.
Viết bình luận