VOV4.Êđê- Tlam mbrue (5/5), knơ̆ng bruă sang čư̆ êa ƀuôn prŏng Đà Nẵng mkŏ mjing leh klei bi kƀĭn ksiêm wĭt bruă kơ klei lŏ pŏk êlan phiơr hlăm Asi thŭn 2022 hlăm mlan 6 anăp anei. Anei jing bruă yuôm bhăn hŏng ƀuôn prŏng Đà Nẵng kơ bruă lŏ kơrŭ wĭt bruă hiu čhưn ênguê, kñăm lo pŏk thiăm êlan phiơr mrâo, mâo klei bi hgŭm kjăp hŏng dm knơ̆ng bruă êdeh phiơr dlông rŏng lăn. Klei bi trông anei mâo 19 mta bruă phŭn lehanăn bruă lŏ mbŏ. Tui si klei hâo mdah mơ̆ng Knơ̆ng bruă hiu čhưn ênguê ƀuôn prŏng, yap truh hrue mbrue (5/5), mâo leh êbeh 400 čô phung bi ala hriê mơ̆ng 155 êpul bruă nga hră mơar nao bi trông. Tinăn lŏ maoa lu bruă mkăn mơ̆ng dŭm knơ̆ng dhar bruă hlăm alŭ wăl mkŏ mjing msĕ si: klei bi trông Đà Nẵng anôk truh jăk hlăm Asi anei”; drông lehanăn mă bruă hŏng dŭm knơ̆ng bruă êdeh phiơr lehanăn bruă hiu čhưn ênguê, rang mdah mnơ̆ng dhơ̆ng OCOP... Jih jang bruă mprăp hlăk mâo Đà Nẵng mprăp lehanăn bi leh êlâo kơ hrue 25/5 anăp anei./.

Pô mblang: Y-Khem Niê