Anei jing klei hâo hưn mrâo lač hlăm Klei bi kƀĭn bruă Đảng ƀuôn prŏng Đà Nẵng tal 16, mkŏ mjing aguah 16/7. Blŭ hrăm ti anôk bi kƀĭn, Nguyễn Văn Quảng, Khua dlăng bruă Đảng ƀuôn prŏng Đà Nẵng bi mklă, êngao kơ boh tŭ dưi mâo, boh klei duh mkra ala ƀuôn mơ̆ng ƀuôn prŏng adôk lu klei dleh dlan, êdu kƀah; dŭm hnơ̆ng kčah, bruă klam hlue si Hdră mtrŭn leh anăn akŏ thŭn 2024 hlue ngă ka tŭ dưn.

Mnuih mă bruă, mđĭ kyar đảng viên adôk tuôm hŏng klei dleh dlan. Yap truh hruê 30/6/2024, jih bruă Đảng ƀuôn prŏng bi mŭt 854 đảng viên, bi knar 1,39% ênoh đảng viên akŏ thŭn, mâo 46,4% hdră kčah. Hlăm klei bi kƀĭn tal anei, Bruă Đảng ƀuôn prŏng Đà Nẵng ăt kƀĭn bi trông leh anăn brei klei blŭ mguôp kơ hdră dăp anôk bruă ngă hră mơar gưl kdriêk, gưl să wưng 2023-2025 mơ̆ng ƀuôn prŏng Đà Nẵng; Hdră kčah prăk bi liê knŭk kna thŭn 2025; Klei hưn mdah boh tŭ pŏk ngă Akŏ hdră kčah anôk bruă ƀuôn prŏng mdrơ̆ng hŏng klei bi mlih yan adiê, hưn mdah klei ksiêm dlăng bruă ngăn prăk đảng thŭn 2023 leh anăn bruă klam thŭn 2024.