VOV4.Êđê- Tlam mbruê, ƀuôn prŏng Đà Nẵng mkŏ mjing leh klei kƀĭn tui ngă hdră bi mguôp bruă hiu čhưn ênguê – bruă êdeh phiơr leh anăn mtrŭt mđĭ êlan phiơr Đà Nẵng. hdră anei mkăp brei kơ phung ƀĭng hgŭm bruă čhưn ênguê leh anăn bruă êdeh phiơr hdră êlan pŏk êlan phiơr hŏng ala tač êngao hlăm thŭn 2022 mbĭt hŏng dŭm hdră êlan đru kơ bruă êdeh phiơr ka mâo ôh ară anei. Ară anei tač êdeh phiơr quốc tế Đà Nẵng mâo hdră bi hrŏ mơ̆ng 10 -50% ênoh prăk dŭm bruă êdeh phiơr hŏng dŭm knơ̆ng bruă êdeh phiơr, phiơr nao ti ala tač êngao, amâo mă prăk mưn adŭ bruă kơ dŭm knơ̆ng bruă êdeh phiơr. Ăt ti tlam mbruê, knơ̆ng bruă hiu čhưn ênguê Đà Nẵng leh anăn knơ̆ng bruă mnia mblei Duy Anh bi klă leh hră mơar mkŏ mjing klei kƀĭn mđĭ kyar êlan phiơr Asi thŭn 2022. Klei kƀĭn anei srăng mkŏ mjing mơ̆ng hruê 6-8/06/2022, iêo mthưr êbeh 500 čô bi ala mơ̆ng 110 knơ̆ng bruă êdeh phiơr, 30 knơ̆ng bruă hiu atăt tuê. Anei jing bruă dưi hmăng hmưi mkŏ wĭt bruă êdeh phiơr ti Đà Nẵng.

Pô mblang: Y-Ƀel Êban