Hlăm klei bi trông, Đại tướng Phan Văn Giang mñă klă, Việt Nam leh anăn Malaysia jing ala čar jĕ giăm, jing ƀĭng hgŭm hlăm ASEAN.

Đại tướng Phan Văn Giang bi myuôm boh tŭ klei bi mguôp plah wah lĭng kahan dua ala čar hlăm wưng êgao, mbĭt anăn mñă hlăm wưng kơ anăp lĭng kahan dua ala čar lŏ dơ̆ng ngă kluôm ênŭm, tŭ dưn dŭm mta bruă, dŭm hdră êlan bruă lĭng kahan, mkŏ mjing hdră đru kčĕ bruă lĭng kahan, mjĕ mjuk phung khua kahan mda asei, mtrŭt mđĭ klei bi mguôp dua tĭng mâo klei găl msĕ si: bruă tuh tia, mdrao mgŭn lĭng kahan, răng mgang klei êđăp ênang Êpul hgŭm lu ala čar, lŏ dơ̆ng bi sa ai hlăm dŭm klei kƀĭn lu tĭng.