VOV4.Êđê -  Aguah mbruê, Đại tướng Phan Văn Giang, khua phŭn bruă lĭng kahan gĭt gai leh klei kƀĭn trông phung khua hlăm phŭn brưa lĭng kahan mlan 3 thŭn 2022. Klei kbĭn ksiêm wĭt mlan 3 thŭn 2022, phung khua knơ̆ng bruă lĭng kahan gưl dlông, phŭn bruă lĭng kahan mâo leh klei gĭt gai, ktrâo lač, hluê ngă kluôm ênŭm, hrăm mbĭt, ktang phĭt bi leh bruă klam, hdră kčah mâo leh.

Blŭ hlăm klei kƀĭn, Đại tướng Phan Văn Giang, mtă hlăm mlan 4, kluôm bruă lĭng kahan srăng rơ̆ng kjăp bruă mprăp klei ngă bruă, thâo klă, đăo knăl boh sĭt, hmao đru kčĕ, mgaih msir tŭ dưn djăp klei mâo, amâo dưi mâo klei kdjăt kƀla. Rơ̆ng klei êđăp ênang hlăm kluôm ala, knăm kơ hruê knăm biw hdơr hruê djiê Mtao Hùng, hruê knăm 30/4, 1/5. Rơ̆ng kjăp bruă đru dŏng hlăm dŭm gưl, mđĭ hĭn bruă mtô bi hriăm kơ dŭm êpul êya leh anăn êpul bi lông mjuăt ktang asei mlei Army Games 2022. Mbĭt anăn mprăp kluôm ênŭm, mkŏ mjing tŭ jing klei mjĕ êrô lĭng kahan knông lăn Việt Nam – China gưl tal 7.

Y-Ƀel pô mblang