Čiăng ngă jăk bruă lĭng kahan hŏng tač êngao thŭn 2024, aguah mbrue 06/8, ti Hà Nội, Đại tướng Phan Văn Giang, Khua phŭn bruă lĭng kahan kiă kriê leh bruă drông lehanăn bi trông hŏng khua phŭn bruă lĭng kahan Japon Kihara Minoru.

Ti anôk bi trông kơ hdră êlan bi mguôp wưng tinăp, Đại tướng Phan Văn Giang čang hmăng dua nah lŏ mâo klei thâo bi mguôp kjăp hĭn hlăm bruă lĭng kahan kơ gưl mđĭ kyar mrâo, tŭ jing, djŏ hŏng klei bi hgŭm kluôm kyua klei êđăp ênang, mdrŏng sah ti krĭng Asi lehanăn hlăm tar rŏng lăn. Bi kơ boh klei hlăm êa ksĭ, Đại tướng Phan Văn Giang mñă, Việt Nam tui tiŏ hdră êlan mghaih msir tui si klei bhiăn tar rŏng lăn, dŭm klei ƀuăn leh hlăm alŭ wăl, boh nik tui si klei bhiăn UNCLOS 1982, Bi êdah hdră êlan bi găn êrô êđăp ênang hlăm êa ksĭ ngŏ (DOC) lehanăn tui tĭ hdră êlan bi blŭ hrăm hlăm êa ksĭ ngŏ (COC) hŏng klei klă mngač lehanăn mâo boh tŭ dưn./.