Hlăm hdră nao čhưn ti China lehanăn nao ti Klei bi kƀĭn trông Hương Sơn Bắc Kinh tal 10, Đại tướng Phan Văn Giang, Khua hlăm Phŭn bruă kđi čar, K’iăng khua bruă Đảng gưl dlông, Khua phŭn bruă lĭng kahan Việt Nam nao čuă leh Knơ̆ng bruă kreh knhâo Anôk bruă lĭng kahan mtlaih êngiê mnuih ƀuôn sang China lehanăn Lữ đoàn bi hgŭm mrô 6 hlăm Êpul group lĭng kahan mrô 82.

Bi trông hŏng phung khua knơ̆ng bruă, Đại tướng Phan Văn Giang čang hmăng Knơ̆ng bruă anei mđĭ hĭn hdră bi hgŭm hlăm bruă ksiêm hriăm hŏng dŭm anôk bruă mơ̆ng Lĭng kahan yang ƀuôn Việt Nam. Khua phŭn bruă lĭng kahan Việt Nam ăt mtă kơ Knơ̆ng bruă kreh knhâo Anôk bruă lĭng kahan mtlaih êngiê mnuih ƀuôn sang China lehanăn Knơ̆ng ksiêm dlăng kơ hdră êlan bruă lĭng kahan Việt Nam lŏ bi hgŭm kjăp hĭn čiăng hnưm bi leh hdră ksiêm hriăm mbĭt “Tui duah hdră m’ar, mnơ̆ng dhơ̆ng kơ klei hgŭm mguôp jăk siam plah wah lĭng kahan dua ala čar Việt Nam – China, klei mĭn hlăm hdră hgŭm mguôp Hồ Chí Minh - Mao Trạch Đông hlăm hdră bi blah kdơ̆ng hŏng Prăng lehanăn Mi./.