Đại tướng Tô Lâm bi mni kơ klei bi hgŭm plah wah Anôk dlăng bruă Đảng ƀuôn prŏng Hải Phòng hŏng bruă Đảng kahan ksiêm Gưl dlông hlăm bruă rơ̆ng êđăp ênang kđi čar, êđăp ênang ala ƀuôn, gang mkhư̆ phung ngă soh. Đại tướng Tô Lâm mtă kơ Anôk dlăng bruă Đảng ƀuôn prŏng Hải Phòng păn kjăp hlăm hdră kñăm ksiêm dlăng mơ̆ng wưng, lŏ dơ̆ng mkra mjing Đảng doh mngač, kjăp ktang, ngă bi jăk hdră mkra mlih hră mơar, wăl bi liê mnia blei, mđĭ ai tiê bi khăp bi đru, đru lăm lui klei ư̆ êpa ƀun ƀin.

Mơ̆ng ară anei truh Klei bi kƀĭn Đảng dŭm gưl, Hải Phòng ktuê dlăng bi leh dŭm hnơ̆ng kčah, pral ngă jăk bruă mnuih mă bruă, thâo mprăp bruă knuă, ti anôk mâo klei amâo jăk, brei kƀĭn mkra mlih, boh nik mđing kơ boh klei êđăp ênang./.