VOV4.Êđê - Tlam mbruê, Êpul mă bruă gưl dlông gĭt gai hdră gang mkhư̆ klei ƀơ̆ng ngăn mâo Đại tướng Tô Lâm, Khua anôk bruă anei ngă khua êpul mă leh bruă hŏng Anôk kiă kriê bruă Đảng čar Dak Nông. Hluê klei hưn, hdră gang mkhư̆ klei ƀơ̆ng ngăn wưng êgao mâo čar mđing dlăng, gĭt gai hluê ngă. Ară anei, Anôk bruă gĭt gai hdră gang mkhư̆ klei ƀơ̆ng ngăn mơ̆ng čar dôk ksiêm dlăng 16 mta klei dôk bluh mâo ti alŭ wăl, ba kơ anôk bruă kahan ksiêm tui ksiêm 3 boh klei bi êdah mčhua hŏng klei dưi mơ̆ng pô êjai mă bruă.

Čar mâo 31 boh klei hŏng 52 čô ba nao kčŭt hưn, tui ksiêm kơ klei soh ƀơ̆ng ngăn. Blŭ ti knăm anei, Đại tướng Tô Lâm mtă hlăm wưng ti anăp čar lŏ dơ̆ng gĭt gai hluê ngă, boh nik mđĭ klei đua klam mơ̆ng dŭm gưl, dhar bruă, bi hgŭm hlăm hdră tui ksiêm, msir mghaih klei ngă soh, mbĭt anăn ba mdah hdră msir gang mkhư̆; mđĭ kyar bruă duh mkra ala ƀuôn lehanăn mđing hĭn kơ hdră bi hrŏ ƀun, dlăng kriê klei hdĭp mnuih ƀuôn sang./.

H’Nêč pô mblang