Aguah mbruê 21/4, ti ƀuôn prŏng Ƀuôn Ama Thuôt, bruă sang čư êa čar Dak Lak, Êpul hgŭm phung khăp kơ ala čar mkŏ mjing kdrăm k’ah knăm bi hdơr 50 thŭn ba wĭt mnă hluê si klei kuôl ka Paris (1973 – 2023).

Hlăm knăm bi hdơr, phung bi ala hrăm mbĭt bi hdơr kơ knhuah gru klei bi blah mơ̆ng lĭng kahan cách mạng Việt Nam. Pô bi ala čar Dak Lak mâo leh klei lač jăk truh kơ phung mnă khăp kơ ala čar, hmăng hmưi diñu lŏ dơ̆ng đru mguôp, kah mbha klei thâo čiăng kơ gưl mda asei bi lar ai tiê bruă cách mạng hlăm bruă mkŏ mjing leh anăn răng mgang ala čar. Mbĭt anăn, mâo čuă êmuh kơ gŏ sang, mah jiăng leh anăn mđup brei hnư mnơ̆ng kơ phung mnă hđăp.