VOV4.Êđê - Čar Dak Lak hluê ngă leh hdră mlih mrô gưl să ti să Hòa Phú ƀuôn prŏng Ƀuôn Ama Thuôt lehanăn să Phú Lộc, kdriêk Krông H’Nang. Boh tŭ tal êlâo brei ƀuh, bruă mlih mrô ba wĭt leh boh tŭ dưn klă sĭt. Dŭm bruă mlih mrô dưi pŏk ngă ti 2 să anei, mâo: Mkŏ mkra bruă knŭk kna mrô, mđĭ kyar hdră duh mkra mrô, mđĭ kyar bruă yang ƀuôn mrô.

Mđing kơ dŭm bruă bi blŭ hrăm hŏng mnuih ƀuôn sang, mjuăt bi hriăm klei thâo, bruă mdrao mgŭn thâo mĭn lehanăn hưn mthâo anăn knăl alŭ wăl. Leh giăm 1 mlan pŏk ngă, phung khua 2 să anei ƀrư̆ ƀrư̆ mđĭ leh klei bi mjĕ mjuk plah wah mnuih ƀuôn sang hŏng anôk bruă duh mkra lehanăn bruă knŭk kna. Hlăm anăn, đru kơ mnuih ƀuôn sang, anôk bruă duh mklra dưi ba yua jăk găl dŭm hdră bruă anei kñăm mkra mđĭ klei hdĭp mnơ̆ng dhơ̆ng, ai tiê klei mĭn kơ mnuih ƀuôn sang./.

H’ Nêč pô mblang