VOV4.Êđê- Tlam 5/10, Êpul hgŭm phung êdam êra Việt Nam čar Dak Lak mkŏ mjing mphŭn pŏk klei bi lông mphŭn čô̆ kơ bruă čar Dak Lak thŭn 2022. Leh êbeh 2 mlan pŏk ngă, klei bi lông mphŭn čô̆ kơ bruă mnia blei čar Dak Lak thŭn anei mâo leh 100 hdră bruă bi lông hlăm leh anăn êngao čar. Dŭm hdră bruă hlăm lu mta bruă msĕ si: Mkra mjing mnia blei lŏ hma, rông mnơ̆ng, pla mjing, mnia blei.

Mơ̆ng klei ruah tal êlâo, anôk mkŏ mjing ruah leh 8 hdră bruă hgŭm hlăm klei hưn mdah klă anăp hlăm klei bi lông tal êlâo. Ayŏng Y Lê Pas Tơr, K’iăng Khua dlăng bruă Đảng êpul êdam êra čar, Khua Êpul hgŭm phung êdam êra čar Dak Lak brei thâo, leh 3 blư̆ mkŏ mjing, klei bi lông thŭn anei brei ƀuh klei bi liê mơ̆ng phung bi lông hŏng dum hdră bruă dưi hlue ngă hŏng dŭm mta mnơ̆ng dhơ̆ng klă klơ̆ng./.

Pô mblang: H’Zawut Ƀuôn Yă