Hlăm gưl hriê mă bruă ti čar Dak Lak, Nguyễn Thanh Nghị, Khua êpul hdră êlan gưl dlông mă leh bruă hŏng čar kơ boh sĭt hluê ngă bruă klam mđĭ kyar bruă duh mrka ala ƀuôn.

Hlăm mmông mă bruă, čar Dak Lak akâo kơ gưl dlông hnưm ba mdah hdră êlan phŭn čiăng bi hluh ai dưi, mkŏ mjing tur knơ̆ng hluê ngă mta kñăm đĭ kyar 2 ênoh mrô.

Bruă duh mkra ala ƀuôn wưng tlâo mlan tal 1 mâo klei hơĭt leh anăn mâo lu boh tŭ dưn jăk. Hnơ̆ng bruă duh mkra lŏ dơ̆ng pŏk mlar, đi kyar kah knar mơ̆ng čar hluê ênoh ară anei mâo êbeh 48.400 êklai prăk, đĭ 11,7% mkă hŏng wưng anei thŭn 2025.

Blŭ hrăm hlăm mmông mă bruă, Nguyễn Thanh Nghị bi myuôm klei gĭr mơ̆ng Dak Lak hlăm wưng adôk mâo lu klei dleh dlan, ƀiădah čiăng ktang phĭt hĭn hlăm klei gĭt gai, boh nik jing duh bi liê bruă Knŭk kna, ruh mgaih dŭm hdră dôk kpăk leh anăn bi hrŏ ênoh gŏ êsei ƀun.