Hlăm mmông mă bruă, bi ala kơ khua gĭt gai dŭm knơ̆ng, dhar bruă čar Dak Lak lač leh kơ lu klei dleh dlan leh anăn akâo kơ gưl dlông ksiêm dlăng, ruh mgaih klei dleh dlan kơ bruă mđĭ kyar ala ƀuôn ti alŭ wăl hlăm wưng kơ anăp. Hlăm anăn, bruă mđing tal êlâo jing mđĭ kyar bruă êlan klông mkŏ krĭng Lăn Dap Kngư. Djŏ tuôm kơ hlue ngă dŭm hdră kñăm ala čar, klei blŭ mtă kơ Bruă kƀĭn ala ksiêm dlăng gĭt gai dŭm phŭn, dhar bruă lŏ dơ̆ng ksiêm dlăng hră mơar hlue si hdră bhiăn ñĕ kơ klei mtŭk mtŭl. 

Hlăm mmông mă bruă, phung bi ala ăt lač kơ lu boh phŭn djŏ tuôm kơ bruă: mnơ̆ng hlăm gŭ lăn, hră ênua, hdră bhiăn, mkra mđĭ prăk mlan, sang dôk, đru kơ mnuih mă bruă, phung nai mtô, hdră čuăl mkă, yua lăn… Êpul bi ala bruă kƀĭn ala čar Dak Lak tŭ mă, bi kƀĭn klei blŭ mơĭt kơ Bruă kƀĭn ala leh anăn dŭm Phŭn bruă ksiêm dlăng.