VOV4.Êđê- Čiăng kơ phung hđeh krĭng taih kbưi, krĭng knông lăn mâo klei mơak mñai hlăm knăm mlan pŭr, mlam mmăt mbrue (9/9), knơ̆ng bruă sang čư̆ êa čar Daklak mkŏ mjing leh knăm mơak anei ti kdriêk knông lăn Ƀuôn Đon.

Hlăm hdră, mâo êbeh 2 êbâo čô hđeh hmư̆ klei khua lăn čar hơêč hmưi knăm mơak mlan pŭr, lehanăn mkŏ mjing lu klei čuh pui hruh, kdŏ anak rai, ngă klei hlăp mgưt êrĭt - aduôn sun, ƀơ̆ng mnơ̆ng knăm mơak mlan pŭr.

Wưng anei, êpul mkŏ mjing mđup brei truh 64 hnư mnơ̆ng kơ hđeh hriăm hră ƀun, 30 boh êdeh wai kơ hđeh dleh dlan ka mâo êdeh nao sang hră. Hdră mkŏ mjing anei knăm đru kơ phung hđeh ti ƀuôn Đon mâo klei hlăp mbul jăk siam, mđĭ ai phung hđeh hriăng hlăm klei hriăm hră./.

Pô mblang: Y-Khem Niê