VOV4.Êđê- Aguah mbruê 26/6, bruă Đảng čar Dak Lak mkŏ mjing leh klei kƀĭn trông ba mdah klei bi klă mkŏ mjing Êpul gĭt gai bruă gang mkhư̆ klei ƀơ̆ng ngăn, klei amâo mâo jăk. Êpul gĭt gai anei ti čar Dak Lak mâo 15 čô mơ̆ng Nguyễn Đình Trung khua hlăm bruă Đảng gưl dlông, khua bruă Đảng čar jing khua êpul. Dŭm čô k’iăng khua êpul gĭt gai mâo Phạm Minh Tấn, k’iăng khua bruă Đảng čar, H'Lim Niê, khua êpul kiă kriê bruă knuă čar, Nguyễn Thượng Hải, khua êpul mkŏ mjing bruă Đảng čar, Lê Văn Nghĩa, khua kiă kriê dhar bruă ksiêm dlăng mơ̆ng bruă Đảng čar, Lê Vinh Quy, khua kiă kriê kahan ksiêm čar.

Leh klei kƀĭn trông gưl dlông 5, hŏng ai tiê ngă bruă mjêč, ênuah ênô, Êpul khua bruă Đảng čar Dak Lak mâo leh klei bi trông, tŭ ư mkŏ mjing êpul gĭt gai bruă gang mkhư̆ klei ƀơ̆ng ngă, klei amâo mâo jăk. Dak Lak ăt jing sa hlăm dŭm čar hnưm mkŏ mjing êpul gĭt gai gưl čar kơ bruă bi kdơ̆ng hŏng klei ƀơ̆ng ngăn, klei amâo mâo jăk.

Pô mblang: Y-Ƀel Êban