Dak Lak bi hdơr 95 thŭn hruê Mkŏ mjing anôk bruă Đảng Cộng sản tal êlâo ti Phú Yên
Thứ hai, 10:48, 06/10/2025
Pô mblang Y-Bel Êban/VOV Tây Nguyên
Pô mblang Y-Bel Êban/VOV Tây Nguyên
VOV.Êđê- Aguah mbruê 5/10, ti wăl anôk kriê pioh Anôk mkŏ mjing anôk bruă Đảng Cộng sản tal êlâo ti Phú Yên (ƀuôn hgŭm Đồng Xuân, čar Dak Lak), bruă Đảng čar, Êpul gơ̆ng bruă ƀuôn sang, bruă sang čư̆ êa, dhar bruă mặt trận čar Dak Lak mkŏ mjing knăm bi hdơr 95 thŭn hruê mkŏ mjing Anôk bruă Đảng Cộng sản tal êlâo ti Phú Yên(5/10/1930 – 5/10/2025).
Blŭ hrăm hlăm knăm, khua Êpul gơ̆ng bruă ƀuôn sang čar Dak Lak Cao Thị Hòa An lŏ wĭt bi hdơr 95 thŭn yap mơ̆ng hruê mkŏ mjing Anôk bruă Đảng Cộng sản tal êlâo mơ̆ng Phú Yên hruê 5/10/1930 ti alŭ Đồng Bé, Phước Long, kdriêk Đồng Xuân, čar Dak Lak.
Anôk bruă hlăk anăn mâo 9 čô đảng viên mơ̆ng Phan Lưu Thanh ngă khua kiă kriê. Găn 95 thŭn, ară anei leh bi mŭt bruă Đảng čar Phú Yên hŏng Dak Lak, kluôm čar mâo êbeh 137.000 čô đảng viên, 100% alŭ ƀuôn mâo anôk bruă Đảng, mñă klă bruă klam kđi čar, tur knơ̆ng kjăp kơ bruă kđi čar ti nah gŭ.
Viết bình luận