Hluê si klei hưn, tlam hruê 12/11, kluôm čar mâo êbeh 10.000 boh sang kpŏk čuôr, 9.200 boh sang êngăp êa, 282 boh sang hră lehanăn 13 anôk bruă mdrao mgŭn jhat rai; 269 km êlan klưh hroh, 19 boh ƀăng ƀi prŏng êa kpuh đung.

Klei luič liê tal êlâo hluê si tĭng êbeh 2.500 êklai prăk, hlăm anăn hdră rông mnơ̆ng hlăm êa luič ;iê 1.300 êklai prăk. Leh gưl angĭn êbŭ anei, Dak Lak ba nao jih klei găl mâo, êpul êya nao msir mghaih klei truh, mđing krŭ wĭt êlan pui kmlă, êlan klông găn êrô lehanăn bi mdoh sang hră, pưk sang kơ mnuih ƀuôn sang. Čar dak Lak mkăp leh êbeh 80 êklai prăk đru mjêč, đru kơ mnuih ƀuôn sang mkra pưk sang, krŭ wĭt bruă pla mjing lehanăn bi hơĭt klei hdĭp leh klei angĭn êbŭ ngă. Anôk bruă mdrao mgŭn mbĭt hŏng alŭ wăl rơ̆ng hdră ksiêm dlăng kjăp amâo lui bluh đĭ klei ruă tưp./.