Êpul gơ̆ng bruă ƀuôn sang gưl XI, wưng thŭn 2026–2031 mrâo pŏk Klei bi kƀĭn tal sa. Klei kƀĭn mphŭn pŏk kơ hdră ngă bruă mơ̆ng Êpul gơ̆ng bruă ƀuôn sang wưng păn bruă mrâo. Klei bi kƀĭn anei, phung bi ala ruah leh: Khua kiă kriê, Kơiăng khua Êpul gơ̆ng bruă ƀuôn sang čar, phung Khua anôk bruă mơ̆ng Êpul gơ̆ng bruă ƀuôn sang čar Dak Lak gưl XI, wưng thŭn  2026-2031. Cao Thị Hoà An, lŏ dưi păn ngă Khua Êpul gơ̆ng bruă ƀuôn sang čar Dak Lak gưl XI, wưng thŭn 2026–2031.

 Đỗ Thái Phong, Từ Thái Giang lehanăn Phúc Bình Niê Kđăm dưi ruah ngă Kơiăng khua Êpul gơ̆ng bruă ƀuôn sang čar. Đỗ Hữu Huy, Khua mkăp hlăm Anôk bruă Đảng gưl dlông, Kơiăng khua bruă Đảng čar dưi ruah ngă Khua knơ̆ng bruă sang čư̆ êa čar Dak Lak wưng thŭn 2026 -2031; Kơiăng khua knơ̆ng bruă sang čư̆ êa čar Dak Lak mâo: Đào Mỹ Nguyễn Thiên Văn, Trương Công Thái lehanăn Hồ Thị Nguyên Thảo. Lương Nguyễn Minh Triết, Khua bruă Đảng čar Dak Lak mtă kơ Êpul gơ̆ng bruă ƀuôn sang čar pral bi hơĭt anôk bruă, rơ̆ng hdră ngă bruă tŭ dưn./.