VOV4.Êđê- Anôk bruă pui kmlă Dak Lak bi hgŭm hŏng Anôk kriê dlăng hdră bruă pui kmlă krĭng kwar Krah, Anôk bruă pui kmlă kwar Krah mbĭt hŏng êpul djŏ tuôm mkŏ mjing leh bruă nao ksiêm dlăng, ba yua Anôk mđĭ mtrŭn puikmlă 110 kV Krông Ana 2 leh mđĭ hnơ̆ng tŭ ngă bruă. Hdră anei mâo ênoh duh bi liê êbeh 20,7 êklai prăk, rŭ mkra hluê hŏng bruă mkra mđĭ anôk mđĭ mtrŭn pui kmlă 110 kV êlâo anăn ti wăl krah Ƀuôn Trâp, kdriêk Krông Ana.

Anei jing anôk mđĭ mtrŭn pui kmlă mkăp truh 90% ênoh pui kmlă kơ kdriêk Krông Ana. Hdră anei dưi ngă leh đru mguôp hlăm bruă mđĭ hnơ̆ng tŭ pui kmlă lehanăn msir mghaih klei ngă bruă êgao hnơ̆ng mơ̆ng anôk bruă wưng êgao. Mbĭt anăn, anôk mđĭ mtrŭn pui kmlă anei ăt đru mkăp pui kmlă kơ kdriêk Čư̆ Kuiñ lehanăn krĭng kwar Dhŭng ƀuôn prŏng Ƀuôn Ama Thuôt tơdah mâo klei truh amâo jăk./.

                                                   Pô mblang: H’Nêč Êñuôl