Hlăm 3 hruê, Klei bi kƀĭn mâo 5 klei ksiêm hriăm, 79 gưl brei klei blŭ bi trông, kƀĭn hlăm klei ksiêm dlăng wưng 2020 – 2025; ƀuah mkra klei gĭt gai mơ̆ng Anôk dlăng bruă Đảng gưl hđăp; bi mklă klei kñăm, bruă klam, klei êdah êdi kơ wưng mrâo; mguôp klei blŭ hlăm Hră mơar Klei bi kƀĭn XIV mơ̆ng đảng; bi mklă Hdră mtrŭn leh anăn Hdră ngă bruă.

Khua dlăng bruă Đảng Nguyễn Đình Trung bi mklă, leh Klei bi kƀĭn, kluôm Đảng srăng pŏk ngă Hdră mtrŭn, kƀĭn hlăm 8 êpul hdră msir, 3 klei êdah êdi, mđing mkŏ mjing Đảng, bruă sang čư̆ êa, bruă kđi čar kjăp ktang. Hlăm anăn, mđing mkŏ mjing anôk bruă êlan klông nah gŭ, mđĭ kyar hiu čhưn ênguê, mkŏ mjing wăl, anôk hiu čhưn ênguê kñăm mjing boh kdrŭt mđĭ kyar bruă duh mkra - ala ƀuôn leh anăn dhar kreh mơ̆ng čar.