VOV4.Êđê -  Tlam mbruê, 8/7, êbeh 20/.400 čô bi lông ti čar Dak Lak mjưh ruê̆ klei bi lông knhal tuč bi leh klei bi lông hriăm jih gưl 3 thŭn 2022. Klei bi lông dưi lač jing êđăp ênang, jăk, mtăp mđơr leh anăn mâo dŭm hdră kñăm bruă sang hră kčah leh.

Hâo hưn pral leh klei bi lông mjưh ruê̆, Phạm Đăng Khoa, Khua Knơ̆ng bruă sang hră mtô bi hriăm Dak Lak, Khua anôk bruă gĭt gai gưl čar klei bi lông hriăm jih gưl 3 thŭn 2022 ti Dak Lak brei thâo: Thŭn anei hŏng klei ngă bruă mơ̆ng jih bruă kđi čar, dŭm gưl bruă, êpul hgŭm hlue ngă leh jăk bruă bi lông leh anăn rơ̆ng êđăp ênang, hmao đru kơ mnơ̆ng dhơ̆ng, ai tiê phung bi lông leh anăn phung amĭ ama hơĭt ai tiê. Ênoh phung hđeh nao bi lông mâo 99,55% kơ dlông. Akŏ klei bi lông mâo phung hđeh lač man dưn, mâo hnơ̆ng mbha hnơ̆ng thâo. Khădah, klei năng hơưi jing adôk mâo 3 čô hđeh ngă soh klei bhiăn bi lông kyua ba đĭng blŭ hlăm adŭ bi lông./.

H’ Zawut pô mblang