VOV4.Êđê- Ti să taih kbưi Krông Knô, kdriêk Lăk, čar Dak Lak, Êpul bruă hđeh êdam êra čar Dak Lak mkŏ mjing leh klei bi lông hâo hưn klei bhiăn ala čar, gang mkhư̆ klei amâo mâo jăk hlăm yang ƀuôn kơ phung hđeh êdam êra thŭn 2022. Anei jing bruă ngă kñăm mđĭ hĭn klei thâo săng leh anăn klei thâo kơ klei bhiăn ala čar mơ̆ng êpul bruă hđeh êdam êra leh anăn mnuih ƀuôn sang ti krĭng taih kbưi.

Nao hlăm klei bi lông mâo 50 čô jing phung hđeh êdam êra ti să Krông Knô, kdriêk Lăk. Hŏng 2 klei bi lông klei thâo leh anăn klei mbruă, phung nao bi lông dưi ksiêm hriăm kơ dŭm mta phŭn leh anăn dŭm hră mtrŭn bi mbŏ dŭm mta hlăm klei bhiăn êlan klông, klei bhiăn hđeh êdam êra mkra mlih thŭn 2020, klei bhiăn nao kahan, gang mkhư̆ ma tŭi, gang mkhư̆ klei hmăi amâo mâo mơ̆ng klei djŭp hăt. Mbĭt hŏng anăn, phung hđeh êdam ara lŏ dưi nao hgŭm hlăm dŭm klei hlăp lêñ, ksiêm hrăm kơ dŭm hdruôm hră klei bhiăn ala čar.

Pô mblang: Y-Ƀel Êban