VOV4.Êđê - Tlam hruê 9/8, ti ƀuôn prŏng Ƀuôn Ama Thuôt, čar Dak Lak mkŏ mjing leh Knăm bi tuôm lehanăn bi mni kơ phung sinh viên mnuih djuê ƀiă êdah êdi čar Dak Lak thŭn 2022.

Ƀri gưl anei, Dak Lak bi mni leh kơ 59 čô, dôk hriăm ti dŭm boh sang hră gưl prŏng hlăm kluôm ala, mâo boh tŭ êdah êdi hlăm thŭn hriăm 2021-2022. Nao ti knăm anei, blŭ hrăm hŏng K’iăng nai prŏng, nai prĭn Buôn Krông Tuyết Nhung, (nai mtô ti Sang hră gưl prŏng Lăn dap kngư) kơ bruă: Hđeh sinh viên hŏng bruă kriê pioh dhar kreh djuê ana.

Phung hđeh hưn mdah leh klă klei mĭn mơ̆ng pô hŏng dhar kreh djuê ana, ba mdah dŭm hdră msir đru kriê pioh, krơ̆ng kjăp lehanăn mđĭ lar knhuah gru dhar kreh djuê ana, boh nik klei blŭ, boh hră mơ̆ng djuê ana pô./.

H’Nêč pô mblang