VOV4.Êđê - Ƀri bi hdơr 81 thŭn hruê mkŏ mjing Êpul hđeh ba anăp Hồ Chí Minh 15/5, bruă êdam êra čar Dak Lak mkŏ mjing Hdră bi mni kơ phung hđeh ngă jăk” 5 klei Awa Hồ mtă”. Hlăm hdră, phung bi ala lŏ bi hdơr knhuah gru 82 thŭn mơ̆ng êpul phung hđeh ba anăp Hồ Chí Minh, thŭn mlan leh êgao leh anăn dŭm bruă ngă mơ̆ng phung hđeh Dak Lak mguôp hlăm êbâo bruă jăk mkŏ mjing ƀuôn sang jăk siam.

Êdah kdlưn jing bruă ngă, hdră bi lông ngă jăk 5 klei Awa Hồ mtă; Bi hgŭm đru găp nao sang hră mđing kơ êdei anăp, dŭm hdră bruă Trần Quốc Toản, kwang kngan ƀĭng găp… leh anăn dŭm bruă hdơr knga tla ai, mnăm êa hdơr kơ hnoh. Mơ̆ng dŭm hdră bruă mâo leh dŭm gru mngač phung hđeh êdah kdlưn. Gưl anei, mâo 40 čô hđeh êdah êdi hlăm klei bi lông ngă jăk “5 klei Awa Hồ mtă” mâo bruă Êdam êra čar leh anăn Êpul hgŭm Đội čar Dak Lak pah mni./.

H’Zawut pô mblang