Anôk dlăng bruă mđup brei leh hră pah mni mơ̆ng Knơ̆ng bruă sang hră mtô bi hriăm kơ 58 čô nao mrô mâo anăn knăl “Phung nai mtô mda asei” gưl čar; mđup brei mnơ̆ng leh anăn hră bi mklă kơ 63 čô hđeh sang hră mâo anăn knăl “Hđeh sang hră 3 jăk” gưl čar; bi mni 2 čô hđeh sang hră mâo anăn  knăl “Hđeh sang hră 3 jăk” gưl dlông leh anăn bi blŭ hrăm hŏng  phung “Nai mtô mda asei” leh anăn “Hđeh sang hră 3 jăk”êdah êdi.

Gưl anei ti Dak Lak ăt mkŏ mjing hdră bi tuôm lŏ bi hdơr knhuah gru leh anăn pah mni kơ 41  êpul lu leh anăn phung mâo anăn knăl “Phung hriăm gưl prŏng 5 jăk” gưl čar, leh anăn mđup brei mnơ̆ng kơ phung hriăm gưl prŏng Lao dôk hriăm ti sang hră gưl prŏng Lăn Dap Kngư leh anăn mđup brei hnư prăk hriăm hră hlăm Keh “kuč mngač klei čang hmăng phung mda asei Dak Lak”