Hlăm čar ară anei mâo êbeh 19.500 knơ̆ng bruă hlăm dŭm mta bruă, lu anôk bruă dưi kpưn truh anôk mnia mblei tač êngao, mñă klă anăn knăl mnơ̆ng dhơ̆ng Dak Lak. Mbĭt hŏng bruă mkra mjing, mnia mblei, êpul phung mnia mblei lŏ đru ngă bruă jăk, đru kơ krĭng dleh dlan.

Mơ̆ng akŏ thŭn truh kơ ară anei, GRDP čar đĭ giăm 7%, ba čhĭ mâo êbeh 2,3 êklai dolar Mi, čhĭ hliê mnơ̆ng dhơ̆ng đĭ giăm 18%, klei duh bi liê lŏ dơ̆ng bi mlih jăk hŏng êbeh 2.300 anôk bruă mrâo mkŏ mjing. Blŭ hlăm klei bi kƀĭn, khua bruă sang čư̆ êa čar Dak Lak Tạ Anh Tuấn čih yap dŭm klei đru mguôp mơ̆ng êpul êya knơ̆ng bruă, mñă klă bruă sang čư̆ êa srăng hrăm mbĭt, mlih mrâo hră mơar, mtrŭt mđĭ klei mlih mrô, mkŏ mjing klei găl kơ knơ̆ng bruă đĭ kyar. Wưng anei, bruă sang čư̆ êa čar mđup brei hră pah mni kơ 18 êpul bruă leh anăn 30 čô êdah êdi.