VOV4.Êđê- Aguah 24/8, ti ƀuôn prŏng Ƀuôn Ama Thuôt, Êpul bi hgŭm Việt Nam – Lào čar Dak Lak mkŏ mjing klei bi tuôm hŏng phung bi ala kahan hđăp, phung thơ̆ng kơ bruă hđăp tuôm mă bruă ti Lao ƀri gưl bi hdơr 60 thŭn hruê mkŏ mjing klei bi hgŭm (5/9/1962-5/9/2022) leh anăn 45 thŭn hruê bi siñê klei bi hgŭm Việt Nam – Lào, Lào – Việt Nam.Phung bi ala dưi hmư̆ klei blŭ mơ̆ng Khua gĭt gai Đảng Nguyễn Phú Trọng hlăm Knăm bi hdơr anei.

 Blŭ hrăm, kah mbha hlăm wưng hgŭm ngă bruă, bi blah ti ala čar Lao, bi êdah klei mĭn, klei čang hmăng leh anăn klei kčĕ, klei akâo dŭm mta phŭn djŏ tuôm kơ bruă mơ̆ng Êpul hgŭm ăt msĕ mơh klei bhiăn, bruă ngă mơ̆ng phung hgŭm leh anăn phung kahan hđăp, phung thơ̆ng kơ bruă tuôm ngă bruă, bi blah ti Lao. Gưl anei, Knơ̆ng bruă sang čư̆ êa čar Dak Lak mđup brei 100 hnư mnơ̆ng kơ phung kahan hđăp, phung thơ̆ng kơ bruă tuôm mă bruă ti Lao mâo klei hdĭp dleh dlan, hjăn păn./.

Pô mblang: H’Zawut Ƀuôn Yă