VOV4.Êđê - Aguah mbruê 9/2, bruă Đảng čar, êpul gơ̆ng bruă ƀuôn sang, bruă sang čư êa, dhar bruă mặt trận čar Dak Lak mkŏ mjing klei bi tuôm bruă klei mrâo, phung čih klei yăl dliê, phung kreh knhâo akŏ yan mnga Nhâm Dần 2022. Hlăm klei bi tuôm anăn, 150 čô bi ala kơ êpul phung čih klei yăl dliê, phung kreh knhâo, phung ngă bruă klei mrâo hlăm čar hrăm mbĭt lŏ wĭt dlăng kơ boh tŭ klei ngă bruă, klei đru mguôp mơ̆ng dhar bruă, anôk bruă hlăm thŭn leh êgao, đru kčĕ, hưn mdah dŭm mta phŭn hlăm bruă klei kreh knhâo mrâo mrang, bruă klei mrâo, klei čih yăl dliê hlăm dŭm thŭn kơ anăp.

Găn hgao sa thŭn tŭ lu klei hmăi amâo jăk mơ̆ng klei ruă tưp Covid-19, êpul êya phung čuih klei yăl dliê mkŏ mjing leh lu bruă ngă klă klơ̆ng đru mguôp kơ dhar kreh čar Dak Lak lŏ đĭ kyar leh anăn mâo klei êlam. Êpul êya phung ngă bruă klei mrâo čih hưn leh djăp mta bruă hlăm klei hdĭp, đru mguôp hlăm klei đĭ kyar bruă duh mkra ala ƀuôn čar Dak Lak. Kčưm hlăm thŭn 2022, khua gĭt gai čar Dak Lak hmăng hmưi êpul êya phung čih klei mrâo, phung čih klei yăl dliê, phung knhâo knhăk hŏng klei thâo mĭn, klei thâo pô lŏ gĭr ktưn đru mguôp lu hĭn kơ čar Dak Lak.

Y-Ƀel pô mblang