VOV4.Êđê- Brei ƀư̆ mkra bruă êmưt hlăm hdră čuăl mkă, hdră kčah ba yua lăn, anei jing klei mtă mơ̆ng Êpul ksiêm dlăng Êpul gơ̆ng bruă ƀuôn sang čar Dak Lak ti mmông mă bruă hŏng Anôk bruă sang čư̆ êa čar kơ bruă hluê ngă hdră mtrŭn, hdră bhiăn lăn ala wưng thŭn 2016 – 2021 mkŏ mjing hruê mbruê. Hluê klei hưn, wưng thŭn 2016 - 2021, Anôk bruă sang čư̆ êa čar bi mklă hdră čuăl mkă ba yua lăn wưng thŭn 2021 - 2030 mơ̆ng 13/15 êpul bruă. Ară anei, 2 anôk bruă ka dưi bi mklă jing ƀuôn prŏng Ƀuôn Ama Thuôt lehanăn kdriêk Êa Sup. Kơ hdră kčah ba yua lăn grăp thŭn mơ̆ng dŭm kdriêk, wăl krah, ƀuôn prŏng, truh ară anei, Anôk bruă sang čư̆ êa čar mrâo bi mklă hdră kčah ba yua lăn thŭn 2022 kơ 6/15 êpul bruă, bi 9 êpul bruă adôk ka dưi bi mklă.

Dŭm anôk brưa hưn mdah hdră čuăl mkă hŏng Êpul ksiêm dlăng

Blŭ ti knăm anei, Trần Phú Hùng, K’iăng khua Êpul gơ̆ng bruă ƀuôn sang čar Dak Lak mtă kơ Anôk bruă sang čư̆ êa čar gĭt gai anôk bruă djŏ tuôm mđĭ hdră mtô mblang kơ hdră mtrŭn, hdră bhiăn čuăl mkă, ba yua lăn, ƀư̆ mkra lehanăn mđĭ hnơ̆ng tŭ hdră čuăl mkă, ba yua lăn gưl kdriêk… Hlăm anăn, mđing kơ bruă mtrŭt mđĭ hdră Čuăl mkă ba yua lăn mơ̆ng ƀuôn prŏng Ƀuôn Ama Thuôt./. 

                                                    Pô mblang: H’Nêč Êñuôl