VOV4.Êđê - Dŭm gŏ sang mkŏ dăp lui sa boh sang kơ phung F0 dôk, ba yua sang dhar kreh yang ƀuôn ngă anôk dôk mklin kăp dŏng mdrao phung ruă Covid 19 – anei jing hdră mâo mnuih ƀuôn sang djuê ana ƀiă ti kdriêk Čư̆ Jŭt, čar Dak Nông msir mghaih dŭm klei dleh dlan kơ anôk bruă nah gŭ čiăng gang mkhư̆ klei ruă Covid 19 dôk đĭ lar pral. Dŭm gru hmô anei dôk mđĭ lar klei tŭ dưn hlăm hdră mdrao mnuih ruă Covid 19 ti êpul êya, bi hrŏ klei ktrŏ kơ anôk bruă mdrao mgŭn kdriêk Čư̆ Jŭt, kdriêk knông lăn mâo truh 48% ênoh mnuih jing mnuih djuê ana ƀiă.

Hrô kơ bruă mâo lu anôk drông, lu anôk bruă msir mgaih dŭ hră mơar msĕ si êlâo adih snăn ară anei lu mnuih ƀuôn sang Ƀuôn Ama Thuôt mưng leh hŏng anôk bruă sa boh ƀăng ti grăp să, ƀuôn hgŭm amâodah anôk mă hră mơar leh anăn tla klei tŭ msir mgaih hră mơar ti ƀuôn prŏng Ƀuôn Ama Thuôt ti mrô 27, êlan Trường Chinh ti ƀuôn prŏng Ƀuôn Ama Thuôt. Grăp čô sa mrô, grăp anôk sa mta hră mơar dưi čih hlăm anôk mdah rup. Mnuih ƀuôn sang sĭt truh srăng dưi ktrâo lač leh anăn hâo hưn klă mngač dŭm hdră kčah, hră mơar. Klei tŭ dưi msir mgaih kčah hruê klă mngač, mơ̆ng anăn klei ngă bruă plah wah knuă drh leh anăn mnuih ƀuôn sang dưi găl ênưih hĭn. Ayŏng Trần Văn Nguyên, pô ngă bruă knơ̆ng prăk ti ƀuôn hgŭm  Thống Nhất, ƀuôn prŏng Ƀuôn Ama Thuôt, čar Dak Lak khăng nao ti anôk ngă hră mơar sab oh ƀăng brei thâo:“Hlăm wưng klei ruă tưp ti anôk bruă knơ̆ng prăk nao ngă hră mơar rơ̆ng, kyua kdtăp mrô bi mguôp ngă hră mơar leh anăn dăp mmông thâo hră mơar truh leh si ngă čiăng dăp mmông nao mă mrô leh anăn mă hră mơar.”

Bi mklă ba yua kdrăp mrô, mđĭ ênoh mrô ư ai mơ̆ng mnuih ƀuôn sang, anôk bruă duh mkra kơ klei ngă hră mơar knŭk kna jing mta kñăm hlăm hdră mkŏ mjing ƀuôn prŏng thâo mĭn, ƀuôn prŏng Ƀuôn Ama Thuôt amâo mdei mlih mrâo klei mưng mă bruă, bi mlih hlăm bruă kriê dlăng, gĭt gai, pŏk ngă kluôm ênŭm dŭm bruă klam mơ̆ng anôk bruă knŭk kna. Thâo săng bruă klam phung knuă druh, phung mă bruă knŭk kna hlăm klei bhiăn ngă bruă, klei tŭ bruă knuă dưi mđĭ. Hnơ̆ng jăk bruă tŭ mă leh anăn msir mgaih hră mơar dưi mđĭ, wưng msir mgaih hră mơar dưi bi hrŏ leh anăn rơ̆ng jăk, boh nik mâo lu hră mơar dưi tla êlâo wưng kčah leh anăn amâo mâo ôh hră mơar msir mgaih êgao wưng kčah. Mơ̆ng anăn, đru mguôp yuôm bhăn hlăm bruă mđĭ klei tŭ dưn ngă bruă mơ̆ng anôk bruă knŭk kna. Amai Ninh Thị Thanh Thảo, knuă druh adŭ bruă Ngăn prăk Hdră kčah, ƀuôn prŏng Ƀuôn Ama Thuôt, čar Dak Lak brei thâo:" Ba yua hnơ̆ng 3,4 mnuih ƀuôn sang knŏng dôk ti sang ngă bruă online leh anăn mơĭt hlăm hla pŏk web sa boh ƀăng, knuă druh yua kdrăp hâo hưn tŭ mă hră mơar leh anăn msir mgaih hlăm brô 3 hruê leh pô ba wĭt kơ mnuih ƀuôn sang hlăm hdră bruă dăng kông srăng ba kơ mnuih ƀuôn sang.”

Hluê si Vũ Văn Hưng, Khua Knơ̆ng bruă Sang čư̆ êa ƀuôn prŏng Ƀuôn Ama Thuôt, čar Dak Lak. Lu thŭn êgao, ƀuôn prŏng duh bi liê leh klei găl mrâo mrang Anôk tŭ mă leh anăn ba wĭt klei tŭ msir mgaih hră mơar mjing klei găl ngă bruă kơ mnuih ƀuôn sang, mjing klei găl kơ bruă sang čư̆ êa bi mlih mrô kluôm ênŭm. Klei tŭ lač kơ ênoh mrô bi mlih mrô čar Dak Lak thŭn 2020 mơ̆ng Knơ̆ng bruă sang čư̆ êa čar hưn mdah brei ƀuh, ênoh mrô bi mlih mrô mơ̆ng ƀuôn prŏng Ƀuôn Ama Thuôt mâo ênoh puăng 187,67 (hlăm anănm bruă sang čư̆ êa mâo 113,66 puăng; bruă duh mkra mrô 27,15 puăng; ala ƀuôn mrô 46,86 puăng) hlăm êpul puăng lu mkă hŏng dŭm alŭ wăl hlăm čar. Anei jing tur knơ̆ng čiăng kơ bruă sang čư̆ êa ƀuôn prŏng lŏ dơ̆ng duh bi liê mkra mlih ênoh mrô dưi ngă hdră kñăm kčah leh. Vũ Văn Hưng brei thâo: ƀuôn prŏng dôk lŏ dơ̆ng ba yua mlih mrô hŏng dŭm hdră bruă knŭk kna čiăng grăp knhuang ba yua jăk hĭn klei mnuih ƀuôn sang, anôk bruă duh mkra čiăng hlăm boh klei mlih mrô đru mđĭ kyar ƀuôn prŏng hlue hdră mrâo mrang.“Anôk bruă nah gŭ kơ kdrăp mrâo hâo hưn mơ̆ng ƀuôn prŏng ară anei dưi duh bi liê, mprăp ngă djŏ klei čiăng kčah leh. Dŭm hdrăbruă kơ mnuih ƀuôn sang ba yua ăt dưi ngă. Boh nik, anôk bruă sab oh ƀăng mơ̆ng ƀuôn prŏng leh anăn ti 21 să, ƀuôn hgŭm dưi mprăp djăp ênŭm kdrăp masin čiăng mâo klei hgŭm ksiêm dlăng mơ̆ng mnuih ƀuôn sang djŏ tuôm kơ bruă msir mgaih hră mơar. Hdră truh thŭn 2025 klă klơ̆ng hmei bi leh bruă sang čư̆ êa mrô.”

Ƀuôn Ma Thuột hŏng klei găl dưi bi mklă jing ƀuôn prŏng phŭn ti krĭng Lăn Dap Kngư, ƀuôn prŏng Ƀuôn Ama Thuôt iêô mthưr dŭm gưl bruă đảng, bruă sang čư̆ êa boh nik phung khua gĭt gai pral mđĭ ktang ba yua kdrăp mrâo hâo hưn, mjing klei bi mlih ktang phĭt mơ̆ng bruă mkŏ mjing bruă sang čư̆ êa điện tử mjing tur knơ̆ng kơ ƀuôn prŏng thâo mĭn; mđĭ klei thâo săng kơ phung mă bruă knŭk kna, dŭm anôk bruă duh mkra leh anăn mnuih ƀuôn sang kơ klei tŭ dưn mơ̆ng bruă ba yua kdrăp hâo hưn mrâo mrang hlăm bruă kriê dlăng, gĭt gai leh anăn mđĭ kyar bruă duh mkra ala ƀuôn./.