Tlam mbruê 25/4, Bruă Đảng čar, Êpul gơ̆ng bruă ƀuôn sang, bruă sang čư êa, Dhar bruă măt trận čar Dak Lak mkŏ mjing knăm tŭ mă, ngă klei čang ênuh, dơr klang 22 čô lĭng kahan leh anăn phung thơ̆ng kơ bruă mơ̆ng Việt Nam djiê êngiă ti Campuchia. 22 čô čô anei ka dưi bi klă jing hlei pô ôh.

Thượng tá Trịnh Ngọc Kiệm, khua êpul K51, knơ̆ng gĭt gai lĭng kahan čar Dak Lak brei thâo, leh giăm 7 mlan đĭ čư̆, găn êa, găn dliê, mbĭt hŏng klei đru leh anăn bi mguôp mơ̆ng bruă sang čư êa, lĭng kahan leh anăn mnuih ƀuôn sang čar Mondulkiri, Êpul dưi tui duah, kuai mă klang phung jhŏng ktang wĭt hŏng lăn Amĭ. Truh kơ ară anei, čar Dak Lak dưi tui duah, kuai mă, ba dơr 719 ktang phung lĭng kahan leh anăn phung thơ̆ng kơ bruă Việt Nam djiê êngiă hlăm klei bi blah dŭm wưng ti čar Mondulkiri, Campuchia wĭt kơ lăn Amĭ.