VOV4.Êđê- Klei hâo hưn mơ̆ng kđông kahan knông lăn Ea Hleo (lĭng kahan knông lăn car Dak Lak) aguah mbruê, 20-3, phung knuă druh lĭng kahan mơ̆ng kđông kahan dôk bi mguôp hŏng dŭm êpul êya djŏ tuôm đru kơ mnuih ƀuôn sang să knông lăn Ea Lôp, kdriêk Ea Sŭp, mgaih msir dŭm klei amâo jăk leh klei hjan prŏng mâo wăt angĭn đrŭng. Êlâo kơ anăn, hlăk mmăt hruê 18/3, ti alŭ wăl alŭ Chiềng leh anăn alŭ Đóng, să Ea Lôp mâo klei hjan prŏng hŏng angĭn đrŭng, ngă kơ 10 gŏ sang ti 2 alŭ anei mâo klei hmăi kơ sang dôk leh năn mnơ̆ng pla mjing, ngăn drăp.

2 sang hră jing sang hră gưl 1 Cầm Bá Thước leh anăn sang hră hđeh điêt Hoa Lan angĭn đrung bi kpŏk đuê̆ tôl, jhat rai lu mta mnơ̆ng mkăn. Leh klei truh anei, kđông kahan knông lăn Ea Hleo tiŏ nao leh êpul êya ngă bruă, mbĭt hŏng bruă sang čư êa alŭ wăl đru gŏ mnuih ƀuôn sang ba mđuê̆ mnơ̆ng dhơ̆ng truh kơ anôk êđăp ênang. Mbĭt anăn, mkŏ mjing klei čuă êmuh, mđĭ ai dŭm gŏ sang mâo klei truh, tĭo nao knuă druh, lĭng kahan đru kơ mnuih ƀuôn sang lŏ mkra sang, sang hră, hnưm bi hơĭt klei hdĭp.

Pô mblang: Y-Ƀel Êban