VOV4.Êđê- Tlam 28/8, sa čô khua gĭt gai Knơ̆ng bruă sang čư̆ êa să Ea Tul, kdriêk Čư̆ Mgar, čar Dak Lak bi mklă, ti să mrâo mâo sa klei djiê mngăt hlăm êa ngă kơ dua čô ayŏng adei jing anak ƀă kmar djiê pap mñai êdi. Phung hđeh djiê ti dôk ƀuôn Yao, să Ea Tul, kdriêk čư̆ Mgar, čar Dak Lak. 12h yang hruê 28/8, amĭ ama dua čô hđeh Y’Đ leh anăn Y’L amâo ƀuh anak wĭt huă, anăn nao duah.

Leh truh ti ênao êa ƀuôn Yao, ƀuh čhum ao leh anăn jep phung anak ti hang, đing mâo klei amâo jăk anăn iêô pô mkăn nao đru. Klei boh klei, lu mnuih ƀuôn sang leh anăn êpul bruă djŏ tuôm ti alŭ wăl nao đru duah. Leh hlăm brô 45 mbĭt, thâo ƀuh asei atâo dua čô hđeh hlăm êa, leh anăn đru kơ gŏ sang ngă klei dơr djiê kơ phung hđeh. Dưi thâo, ênao êa ƀuôn Yao dưi yua kroh kơ ana pla mjing leh anăn djam tam mnuih ƀuôn sang hlăm krĭng. Ênao anei dưi gang leh anăn mâo pŏk mdhă hưn brei răng êa lam huĭ hyưt. Khădah kyua amâo thâo hŭi, dua čô hđeh ăt tlĕ nao hlăm lêñ leh anăn mâo klei ênguôt hnĭng./.

Pô mblang: Y-Ƀel Êban