Klă klơ̆ng, dŭm gưl bruă êdam êra hlăm čar mkŏ mjing leh 17 boh sang klei khăp, sang čhiăm hrah; ngă 17 km hdră bruă kuč mngač êlan ƀuôn sang, 23 Wăl hlăp lêñ kơ phung hđeh, đru lu hip hdruôm hră kơ hđeh, mkra dŭm pluh sang dhar kreh, sang êpul êya.

Dŭm hdră bruă “Hruê knăm năm čŏng ngă bruă”, “Knăm kjuh mtah kluôm ala “dưi mkŏ mjing hrăm mbĭt, iêô jak lu phung hgŭm, êdam êra hŏng lu bruă ngă răng mgang wăl hdĭp mda, mdrơ̆ng hŏng klei bi mlih yan adiê ti dŭm alŭ wăl. Hrăm mbĭt hŏng bruă rơ̆ng êđăp ênang ala ƀuôn, ngă bruă kyua êpul êya, dŭm gưl bruă êdam êra čar mđup brei leh êbeh 20 êbâo hnư mnơ̆ng, giăm 3000 hnư prăk hriăm hră, êdeh wai jơ̆ng kơ mnuih ƀuôn, hđeh điêt; ksiêm mkă mdrao klei ruă amâo mă prăk ti dŭm krĭng taih kbưi, krĭng dleh dlan. Ênoh dŭm bruă bruă jing êbeh 10 êklai prăk.