VOV4.Êđê - Aguah mbruê, Knơ̆ng prăk knŭk kna Việt Nam ti Dak Lak mkŏ mjing leh Klei kƀĭn bi hgŭm plah wah knơ̆ng prăk – anôk bruă duh mkra kñăm pŏk hdră đru mơ̆ng Ngăn prăk knŭk kna hŏng dŭm ênoh čan mơ̆ng anôk bruă duh mkra, êpul hgŭm bruă, gŏ êsei mă bruă mnia mblei hluê Hdră mtrŭn mrô 31/2022 mơ̆ng Knŭk kna.

Hluê klei hưn, leh 5 mlan pŏk ngă, dŭm knơ̆ng prăk ba mdah leh klei kčah mtrŭn, mkŏ mjing hdră mjuăt bi hriăm kơ kluôm anôk bruă; pral hưn mthâo truh kơ grăp čô, anôk bruă duh mkra lehanăn êpul hgŭm bruă…

Khă snăn, boh tŭ knŏng ƀiă. Truh hruê 30/9/2022, ênoh brei čan hluê hdră mtrŭn mrô 31 ti Dak Lak mâo êbeh 50 êklai prăk. Ti knăm anei, bi ala Knơ̆ng prăk lehanăn anôk bruă duh mkra hưn mdah leh klei dleh dlan hlăm bruă bi mklă klei mgrơ̆ng, mnuih dưi dưn Hdră mtrŭn anei, ngă kơ boh tŭ ka dưi mâo msĕ si klei čang hmăng./.

      VOV TâyNguyên/Pô mblang: H’Nêč Êñuôl