VOV4.Êđê -  Aguah mbruê 15/6, giăm 2000 čô hđeh sang hră gưl 2 ti čar Dak Lak nao hlăm klei bi lông mŭt hriăm adŭ 10, wưng thŭn hriăm 2022 -2023. Klei bi lông mŭt hriăm adŭ 10 ti čar Dak Lak mâo 2 êpul gơ̆ng kiă kriê klei bi lông, mkŏ mjing klei bi lông hrŏng ruah kơ 3 sang hră jing: Sang hră gưl 3 chuyên Nguyễn Du, sang hră gưl 3 knŭk kna rông ba hđeh sang hră mnuih djuê ƀiă Ama Trang Lơng leh anăn sang hră gưl 3 knŭk kna rông ba hđeh sang hră mnuih djuê ƀiă Dăm Săn. 56 sang hră gưl 3 leh anăn 1 anôk bruă mtô mjuăt bruă mjuăt ktang asei mlei (mâo wăt hdră bi hriăm gưl 3).

Bi kơ adôk mkŏ mjing hŏng klei hrŏng mă. Čiăng rơ̆ng klei êđăp ênang, djŏ hŏng hdră bhiăn klei bi lông, knơ̆ng bruă mtô mjuăt bi hriăm čar Dak Lak tiŏ nao leh 255 čô knuă druh, nai mtô, phung mă bruă hlăm dŭm anôk bruă mdê mdê ngă bruă dlăng klei bi lông. Êngao kơnăn, êpul gơ̆ng kiă kriê klei bi lông ăt bi mguôp hŏg dŭm anôk bruă djŏ tuôm hlăm alŭ wăl tiŏ nao phung ngă bruă răng mgang ti dŭm anôk bi lông.

Y-Ƀel pô mblang