Hlăm 6 mlan akŏ thŭn, bruă duh mkra – ala ƀuôn mơ̆ng čar DakLak krơ̆ng kjăp lehanăn đĭ kyar. Păt čiăng jih hnơ̆ng čuăn đĭ, prăk iêu mtrŭt klei đru mơ̆ng kluôm yang ƀuôn, prăk bimnia mblei hŏng tač êngao, ênoh hrui wĭt mơ̆ng bruă hiu čhưn ênguê đĭ mkă hŏng wưng anei thŭn êlâo.

Ênoh hrui mâo ngăn prăk knŭk kna êbeh 60% klei đăo tĭng gưl dlông, êbeh 50% klei đăo tĭng mâo Êpul gơ̆ng bruă ƀuôn sang jao, đĭ 8,8% mkă hŏng thŭn êlâo. Hluê phung bi ala, hŏng mta kñăm mđĭ kyar bruă duh mkra mơ̆ng čar Dak Lak mơ̆ng 6 – 6,8% hlăm thŭn 2024, bruă klam 6 mlan knhal jih thŭn dôk ktrŏ. Čiăng dưi mâo hnơ̆ng đĭ kyar anei snăn tlâo hdră duh mkra phŭn jing lŏ hma, dliê kmrơ̆ng, mnơ̆ng hlăm êa, tuh tia mkra mjing, mnia mblei brei đĭ kyar djŏ hdră lehanăn ba yua jih klei găl mâo djŏ guôp hŏng klei găl mâo mơ̆ng alŭ wăl./.