Hlue anăn, ênoh prăk hrui wĭt knŭk kna ti čar Dak Lak thŭn anei đăo tĭng mâo 7.770 êklai prăk, knŏng mâo 76,93% hdră kčah Êpul gơ̆ng bruă ƀuôn sang čar jao. Êngao kơ klei dleh dlan mơ̆ng klei ruă Covid-19, boh klei dlông rŏng lăn hmăo kơ bruă duh mkra, bruă hrui wĭt prăk knŭk kna ti čar Dak Lak hmăi kyua lu anôk bruă duh mkra ti čar tuôm hŏng lu klei dleh dlan hlăm bruă mkra mjing mnia blei, mâo wăt dŭm anôk bruă duh mkra mâo hnơ̆ng đru mguôp lu kơ prăk knŭk kna.

Êngao anăn, bruă hlue ngă hdră êlan đru kơ anôk bruă duh mkra leh anăn mnuih ƀuôn sang hmăi kyua Covid-19 msĕ si: lăm lui, hrŏ, bi kdung dŭm mta ênoh jia ăt hmăi kơ prăk hrui wĭt ti čar. Năng mđing jing, ênoh hrui wĭt prŏng hĭn ti čar jing prăk yua lăn, kyua anôk ba čhĭ lăn ala, sang dôk hrŏ hĭn hdră mĭn tĭng.