Mơ̆ng akŏ thŭn truh kơ ară anei, mâo 37 knơ̆ng bruă hlăm leh anăn êngao lăn čar kriê ksiêm duah klei găl duh bi liê ti čar Dak Lak. bruă sang čư êa čar boi klă hdră êlan duh bi liê kơ 7 hdră, hŏng ênoh bi klă êbeh 2.600 êklai prăk. brei hră tŭ yap kơ 1 hdră FDI mâo ênoh bi klă 16,5 êklai prăk. Anei jing sa ênoh ƀiă hŏng alŭ wăl dưi bi klă mâo lu klei găl mđĭ kyar lu mta bruă msĕ si Dak Lak.

Mta phŭn iêo jak klei duh bi liê ti čar Dak Lak awăt kyua klei dleh kpăk kơ anôk ala doh hŏng hnơ̆ng prŏng čiăng drông dŭm knơ̆ng bruă mâo klei čiăng mkra mjing mtam. Knơ̆ng bruă hdră êlan leh anăn duh bi liê čar Dak Lak dôk bi mguôp hŏng dŭm anôk bruă djŏ tuôm ngă hră anăn dŭm hdră duh bi liê mâo klei găl čiăng hưn mdah hŏng bruă sang čư êa čar hnưm hâo hưn hŏng phung duh bi liê kñăm iêo jak knơ̆ng bruă hlăm leh anăn êngao lăn čar hriê hŏng alŭ wăl.