VOV4.Êđê - Anôk bruă gĭt gai Hdră bi hgŭm hŏng bruă čung ba mnuih ƀuôn sang čar Dak Lak mrâo mkŏ mjing Klei bi kƀĭn ksiêm wĭt Hdră bi hgŭm ngă bruă čung ba mnuih ƀuôn sang thŭn 2021 leh anăn pŏk ngă bruă klam thŭn 2022. Hlăm thŭn 2021, mơ̆ng Hdră bi hgŭm, dŭm anôk bruă mđup brei 169 boh sang bi đru, sang ƀĭng kahan leh anăn sang công đoàn, đru kơ gŏ êsei ƀun giăm 2600 drei mjeh mnơ̆ng rông. 

Mbĭt anăn, dŭm anôk bruă ngă êbeh 60 hdră bruă đru ba ala ƀuôn, ksiêm mkă, mbha êa drao mang kơ giăm 18 êbâo gưl čô mnuih ƀuôn sang hŏng ênoh bi liê êbeh 20 êklai 400 êklăk prăk. H’Kim Hoa Ƀuôn Yă, Khua Anôk bruă čung ba mnuih ƀuôn sang čar Dak Lak, Khua Anôk bruă gĭt gai Hdră bi hgŭm bruă čung ba mnuih ƀuôn sang čang hmăng: Hlăm thŭn 2022, dŭm anôk bruă bi mklă Hdră bi hgŭm ngă bruă čung ba mnuih ƀuôn sang kƀĭn ti alŭ wăl krĭng taih kbưi, krĭng dleh dlan hŏng dŭm bruă mă, hdră klă klơ̆ng.

H’Nêc pô mblang