VOV4.Êđê - Hruê 7/6, bruă Đảng čar Dak Lak bi hgŭm hŏng Sang hră kđi čar ala čar Hồ Chí Minh mkŏ mjing Klei bi trông kreh knhâo hŏng akŏ” čar Dak lak kƀĭn mđĭ kyar bruă lŏ hma hlue hdră hnơ̆ng jăk, hơĭt kjăp”. Phung bi ala hrăm mbĭt bi trông kơ boh klei, klei găl, klei lông dlăng, hdră tă leh anăn hdră msir mđĭ kyar bruă lŏ hma Dak Lak hlue hnơ̆ng jăk, hơĭt kjăp, msir mgaih klei amâo kjăp hlăm hdră bruă lŏ hma ti čar ară anei.

Hlue si bruă Đảng čar Dak Lak, mđĭ kyar lŏ hma hlue hdră jăk, kjăp jing sa hlăm năm bruă klam phŭn čiăng mđĭ kyar bruă duh mkra ti čar, dưi lač hlăm Hdră mtrŭn klei bi kƀĭn bruă Đảng čar tal XVII, wưng thŭn 2020-2025.  Phung bi ala kčĕ kơ hdră msĕ si ba yua hdră mnêč kreh knhâo, iêô jak duh bi liê, ba yua klei tŭ bruă mrâo mrang 4.0 hlăm lŏ hma. Mơ̆ng anăn mjing klei êdah kdlưn, dưi hlue ngă kơ Dak Lak mđĭ kyar bruă lŏ hma jăk, kjăp, ngă hdră kñăm mđĭ kyar “Bruă lŏ hma doh, krĭng ƀuôn sang mrâo mrang, ƀĭng lŏ hma jăk”./.

H’ Zawut pô mblang