Gưl I/2026, dŭm gưl bruă Đảng ti Dak Lak pŏk ngă leh hrăm mbĭt bruă klam mđĭ kyar bruă duh mkra -ala ƀuôn, rơ̆ng êđăp ênang lĭng kahan, mkŏ mjing bruă kđi čar. Bruă Đảng čar mâo leh hdră ngă bruă hlue si hdră mtrŭn Gưl dlông leh anăn klei kñăm đĭ kyar wưng 2026–2030, mjing tur knơ̆ng kơ dŭm anôk bruă klă klơ̆ng hŏng hdră kčah, hdră bruă boh sĭt. Bruă mkŏ mjing Đảng, êpul knuă druh, ksiêm dlăng, čung ba mnuih ƀuôn sang, mkra mlih hră mơar dưi hlue ngă hrăm mbĭt; bruă mặt ỷận êdah kdlưn hŏng klei kriê dlăng Tết leh anăn mprăp ruah khua.

Klah čŭn klei bi kƀĭn, K’iăng Khua bruă Đảng čar Dak Lak, Cao Thị Hòa An  mtă kơ dŭm gưl bruă Đảng mjêč bi leh êpul mă bruă leh klei ruah khua, amâo brei bi kpăk bruă knuă; kƀĭn jih êpul kơ klei đĭ kyar, mă klei tŭ dưn hlue ngă hnơ̆ng kčah ksiêm dlăng knuă druh. Mbĭt anăn, mđĭ pral bi liê knŭk kna, ruh mgaih klei kpăk đuôm, mjưh mdei hdră bruă êmưt hnơ̆ng; hyuă kjăp klei bhiăn, mđĭ tŭ dưn êpul mă bruă, mkra mlih hră mơar, bi mlih mrô;; krơ̆ng kjăp mơ̆ng nah gŭ. Boh nik, čar Dak Lak mtă kƀĭn hlue ngă klă klơ̆ng leh anăn pŏk ngă  jih hnơ̆ng 9 hdră mtrŭn mơ̆ng Phŭn bruă kđi čar, mjing tur knơ̆ng kơ klei đĭ kyar mtah, hơĭt kjăp hlăm wưng mrâo.