3 boh ƀuôn hgŭm: Măng Đen, Măng Bút lehanăn Kon Plông, čar Quảng Ngãi mâo ênhă prŏng, lu klei găl hlăm bruă pla mjing, klei duh mkra dliê, lehanăn bruă hiu čhưn ênguê lăn mnga êa mơak. Hnơ̆ng kmrơ̆ng dliê adôk prŏng, ti Măng Đen giăm 68%, ti Kon Plông êbeh 83%, mjing leh atur kjăp kơ klei mđĭ kyar mtah.

Ară anei, alŭ wăl  Măng Đen – Măng Bút – Kon Plông mâo klei găl hĭn kơ bruă mđĭ kyar hiu čhưn ênguê lăn mnga êa mơak, anôk mdei msăn lehanăn bruă lŏ hma krĭng êđăp. Hlăm anăn Măng Đen jing anôk knơ̆ng. Nguyễn Hoàng Giang, Khua knơ̆ng bruă sang čư̆ êa čar Quảng Ngãi mtă kơ dŭm alŭ wăl mđĭ kyar bruă pla mjing doh, mkŏ mjing krĭng wăl pla mjing mnơ̆ng pioh čhĭ mnia mâo anăn knăl kjăp msĕ si kphê Arabica, Sâm Ngọc Linh, Đẳng sâm, djam mtam krĭng êăt pioh kơ bruă hiu čhưn ênguê./.